Пејачката Ивона Јо уште еднаш покажа дека ужива во секој заеднички момент со својот сопруг Кристијан Тодоров.
Овојпат, таа сподели моменти кои ја доловуваат нивната креативна и емотивна поврзаност.
На социјалните мрежи, Ивона објави симпатична колаж-фотографија на која двајцата се фотографираат еден со друг. Додека Кристијан го користи својот професионален апарат за да го улови најубавиот кадар од својата сопруга, Ивона возвраќа со насмевка зад својот мобилен телефон.
Она што дополнително ја зачини романтичната атмосфера е музичката подлога на објавата – култната песна на Тереза Кесовија, „Моја последна и прва љубов“ (Moja posljednja i prva ljubavi). Изборот на оваа песна јасно ја пренесува пораката за нивната силна љубов и приврзаност.
Во февруари, еден месец по запросувањето, Ивона Јо се венча со саканиот Кристијан. На сликите кои ги објави тогаш, таа беше облечена во бело со букет од кали, а Кристијан во раката држеше извод од матична книга на венчаните.
„Веќе не се двајца, туку едно. Тоа што Бог го споил заедно, никој човек да не го раздели“, напиша пејачката тогаш.
