Пејачот Мартинијан Кириловски, на романтичен начин, во Рим ја побара раката на својата девојка Лара Денкови.
Рим, познат како „Вечниот град“, беше совршената сценографија за овој романтичен чин. Мартинијан ја избра терасата на ексклузивен ресторан со директен поглед кон грандиозниот Колосеум за да го постави судбоносното прашање.
Меѓу фотографиите споделени на социјалните мрежи, е и видеото со емотивниот момент кога пејачот клечи, додека неговата избраничка Лара, видно изненадена и преплавена со емоции, го прифаќа прстенот.
Мартинијан е еден од најталентираните вокали на новата генерација во Македонија и регионот. Неговата кариера започна со учество во неколку домашни музички фестивали.
Мартинијан стана познат по неговото учество во регионалното музичко шоу „Ѕвездите на Гранд“, каде стигна до самиот финиш и беше миленик на жирито, особено на неговата менторка Јелена Карлеуша. Тој е редовен учесник на „Макфест“ и на други фестивали.
Мартинијан не ја експонира многу својата приватност, па неговите следбеници пријатно се изненадија од свршувачката и многумина му честитаа за убавите вести.
View this post on Instagram
