Украинскиот авион Ан-12 кој се урна во Грција превезувал 11,5 тони српско оружје во Бангладеш, информациите дека оружјето е пренесено во Украина се „злонамерни и лажни“. Оваа изјава во неделата на вонредна прес-конференција ја даде вицепремиерот, министер за одбрана на Србија Небојша Стефановиќ, пренесува тасс.
„Ви се обраќам во врска со падот на авионот Ан-12 во Грција, кој полета вчера од нашиот аеродром во Ниш. Станува збор за авионот Антонов-12, сопственост на компанијата Меридијан од Украина со опашка број МЕМ3032. За жал, според достапните информации, сите осум членови на екипажот загинале при падот на авионот“ рече Стефановиќ истакнувајќи дека конечниот купувач било Министерството за одбрана на Бангладеш како целосно овластен купувач, а продавачот е приватна српска фирма, пренесува тасс.
Украинскиот авион Ан-12 што се урна во Грција превезувал мини од српско производство.
Според министерот, авионот летал на релација Ниш – Аман – Ријад – Ахмедабад – Дака и ги имал „сите дозволи во согласност со сите светски стандарди“. „Лажните информации, според кои ова летало превезувало оружје од Србија во Украина, се целосно неточни и злонамерни“, нагласи тој.
Ан-12 се урна на 40 километри од грчкиот град Кавала. Пилотот пријавил дефект на еден од четирите мотори и веднаш добил дозвола за итно слетување на аеродромот во Кавала. На крајот на полуостровот Атос, авионот направил свртување за 180 степени за да слета, но почнал да ја губи висината со запален мотор.
