„По шест месеци дружење решив да се разведам од неа поради нејзините чести промени на расположението“, изјави Милан Поповиќ за врската со Северина гостувајќи во емисијата на Јована Јеремиќ, пишува ТВ Пинк. Како што рекол, кога решил да ја прекине врската, пејачката го известила дека е бремена.
– Сфатив дека морам да останам со неа, да не ја прекинува бременоста – против тоа сум. Реков дека мораме да бидеме родители, но интимна врска не беше можна. Од 2011 година се гледаме и се дружиме, финансирав се. Никогаш не сме живееле заедно, се гледавме за викенди – раскажал Милан.
Подоцна почнале недоразбирањата и кавгите, а Поповиќ, како што вели, бил присутен на породувањето во Сплит и финансирал се.
View this post on Instagram
– Го сакав тоа дете и сакав да бидам партнер во родителството. Некое време функционираше, додека не почнаа уценувањата, дека ако не сум во интимна врска со неа, ќе ме спречи да го земам детето. Дека за мене е попаметно да се откажам од детето и дека така повеќе ќе го гледам – објаснил тој.
Додал и дека Северина побарала од него да и го плаќа кредитот од еден милион евра и да и дава алиментација од 10.000 евра. Неговата желба била детето да порасне со мајка му, а не со некоја трета личност која би се грижела за него.
– Не беше поентата во парите, туку таа три месеци да му се посвети на детето, да не мисли на пари. Можеше да работи од хоби, затоа и дадов толкава алиментација – завршил Милан.
