Војвотката од Сасекс Меган Маркл во новата епизода на нејзиниот поткаст „Archetypes“ откри дека има нигериски гени. Пред неколку години таа правела генетски тест, но не знае на кое племе припаѓале нејзините предци и вели дека во иднина ќе поработи на тоа прашање.
-Јас сум 43 проценти Нигеријка – ѝ рече Маркл на нигериската актерка Зиве, која гостуваше на нејзиниот подкаст.
-Па и личиш на Нигеријка. Личиш на мојата тетка Узо. Ова е прекрасно, ѝ возврати Зиве и додаде дека тоа е голема вест за нигериската заедница.
Меган и порано зборуваше за нејзиното мешано потекло. Нејзината мајка Дорија Регланд е Афроамериканка, а нејзиниот татко Томас Маркл е белец.
