Естрадната двојка Миле Китиќ и Марта Савиќ веќе извесно време уживаат во луксузот на нивниот нов дом на Авала, каде што се вселија изминатата година. Пејачката сега сподели кадри на социјалните мрежи и покажа како ги минува топлите летни денови.
Марта на Инстаграм објави видео од пространиот двор каде што во прв план е импозантниот базен, покрај кој ужива во сонцето и одморот. Романтичната атмосфера ја надополни со музика, каде во позадина одекнуваше нејзината песна „Еротика“.
Мир, приватност и детално уреден простор
За изградба на оваа вила двојката издвоила околу 300.000 евра. Имотот се наоѓа на голем плац, уреден така што на сопствениците им нуди целосен мир и изолираност.
Покрај големиот базен, дворот го красат и фонтана, катче за одмор со надворешен камин, како и внимателно дизајнирани патеки и зеленило. Ниту ентериерот не заостанува за надворешниот изглед, па од претходните објави можеше да се види дека сѐ е опремено во луксузен стил, а во бањата доминираат елегантни црни и златни тонови.
За одлуката да се преселат на Авала претходно говореше и самиот Миле Китиќ, кој истакна дека барале приватност што ја изгубиле во градот:
„Градам куќа на Авала, имав плац таму. Како што работам помалку, а во градот немам посебни обврски, сѐ повеќе време ќе минувам таму. Во куќата во Белград ја изгубив приватноста бидејќи се градат згради околу мене. Затоа решивме на Авала да направиме нешто каде што навистина ќе уживаме“.
Марта се соочи со сурови коментари и депресија
Пејачката неодамна се најде во фокусот на јавноста поради негативните и навредливи коментари за нејзиниот изглед, по нејзиното појавување во јавноста по подолга пауза. Во нејзина одбрана застанаа бројни колешки, меѓу кои Ана Бекута, Сања Вучиќ и Александра Бурсаќ, кои ѝ дадоа јавна поддршка.
Поради оваа хајка, нејзиниот сопруг Миле Китиќ откри дека таа извесно време се соочувала со депресија.
Таа додаде дека поддршката од колегите и публиката ѝ помогнала да ја преброди оваа ситуација.
