Марија Шерифовиќ одржа концерт во Шведска во градот Хелсингборг, недалеку од Малме, каде како специјална гостинка и се придружи на Теја Дора, српската овогодишна претставничка на Евровизија.
Марија пред да излезе на сцена одговараше на прашања од медиумите, а едно од нив беше дали планира второ дете подоаѓањето на свет на нејзиниот син Марио.
„Во овој момент, не и засега не. Сега, ако желбите се сменат, зошто да не? Но, за сега, не. Велат дека децата се наши учители, некои веруваат дека е обратно, а јас верувам дека е токму така. Речиси сум сигурна дека Марко ќе ме научи на многу работи, дека тоа ќе биде една долготрајна борба меѓу стрелец и скорпија, но на крајот на краиштата, нешто е до воспитување, нешто доаѓа од домот, а нешто едноставно мора да се препушти на виши сили, а нам како родители ни останува само да се прекрстиме и да гледаме“, рече Марија.
Таа во оваа прилика истакна дека нејзината мајка Верица Шерифовиќ е подобра како баба отколку како мајка.
Да потсетиме, пејачката неодамна откри како момчето го добило името.
– Сакав неговото име да започнува со буквата „М“ и сакав да се вика „Макс“. Тогаш, се разбира, моите сељанки другарки рекоа: „Да му дадеш на детето име да се вика како куче“. Поради тајмингот на процесот, на документацијата додека бевме во болница, сето тоа требаше да се пополни, и дојде една жена и праша како се вика. Сите почнаа да размислуваат за буквата „М“ и некој рече: „Марио“, а јас само реков: „Напиши Марио“. Мене ми е убаво. Се надевам дека нема да ти пречи што се викаш Марио, а мајка ти Марија. Слатко ми е“ – призна пејачката за својот канал на Јутјуб.
