По финалето на шеснаесеттата сезона на „Ѕвезде Гранда“, во која победи младата Македонка Славица Ангелова, пејачката и член на жирито Марија Шерифовиќ се огласи на својот Јутјуб канал и ги сумираше своите впечатоци.
Таа прво ги истакна нејзините кандидати кои важеа за фаворити во текот на целата сезона.
– Ништо не коментирав по завршувањето на „Ѕвезде Гранда“ бидејќи бев многу уморна. Бев среќна што дојдовме од крајот без разлика на резултатот. Праведно е да се каже дека според мојот вкус и познавање на работата, Ксенија и Мартин за мене се вистинско откровение – објасни Марија.
Марија конечно откри кои ѝ се фаворитите од другите тимови.
-Што се однесува до другите тимови, супер ми се Петар и Џенан – рече Марија.
Шерифовиќ накратко ја прокоментира победата на струмичанката Славица Ангелова.
-Многумина негодуваат на резултатот, а особено не ми се допаѓа тоа што го пишувате за победничката. Секогаш и засекогаш ја поздравувам одлуката на народот, и почнав интензивно да размислувам и дојдов до заклучок дека, на крајот на краевите, не се гласа за најдобриот во финалето – истакна пејачката.
Марија го искажа и мислењето за системот на гласање и начинот на кој публиката ја избира ѕвездата на Гранд.
– Прашање е колку е тоа фер, тоа што кога во еден натрпевар ќе дојдеме до финалето и кога прецизно ќе се види разликата, во еден момент престанува да биде музичко натпреварување и доаѓа до конкуренција меѓу државите и нивните претставници. Тоа е тема за која можеме да дискутираме. Не знам дали е тоа во ред или не. Мислам дека после многу, многу години, време е во тој систем нешто да се промени и да се најде начин како навистина се избира ѕвездата на Гранд – заклучи пејачката.
