Марија во клип на Јутјуб зборуваше за наследникот кој е центарот на нејзиниот свет, а ја спомна и мајката Верица која не може да ја одвои од малиот Марио.
Минатиот декември пејачката Марија Шерифовиќ доби син со помош на сурогат мајка на кој му го дала името Марио.
Таа сега објави клип на својот канал на Јутјуб во кој искрено зборува за наследникот. Имено, Марија пред неколку дена им дозволи на обожавателите да ѝ поставуваат прашања преку Инстаграм, на кои таа сега одговори во споменатиот клип.
Шерифовиќ на самиот почеток откри дека нејзиниот син е бебе какво секој би посакал, бидејќи спие долго, па таа има време и за одмор, но и за извршување на некои секојдневни активности.
– Синоќа спиеше 10 часа. Господин, мојот мал господин. Цар. Да се биде мајка е убаво. Тоа е мешавина од емоции. Тоа е една постојана грижа, да не му недостасува ни влакно од главата. Кога ќе дојдам мртва уморна од концерт и ќе го погледнам, добивам суперсила – изјави Марија на самиот почеток.
Пејачката потоа откри дека нејзиниот син реагира на музика, и дека најмногу сака брза музика.
– Марио фантастично реагира на музиката. Предмалку малку тажна музика свиреше на Јутјуб и тој се растажи и веднаш потоа му пуштив оро. Но, за нивниот невросистем треба да има лесни мелодии, има некои инструкции за тоа, но тој сака да слуша брза музика, не сака бавно темпо – истакна таа.
Шерифковиќ призна дека забележала дека нејзината мајка Верица Шерифовиќ сега повеќе од неа го сака својот внук Марио.
-Таа е луда баба, најлудата баба на светот, буквално не можам да се ослободам од неа. Па бабо, јавен апел, треба да разбереш дека треба да бидеш баба и дека понекогаш треба да си одиш, малку да се одмориш. Вера нема да оди дома, опседната е со него, па мислам дека сега го сака повеќе од мене – се пошегува Марија.
Сите ги интересираше како синот на Марио го добил името, а пејачката сега ја разреши таа мистерија.
– Сакав неговото име да започнува со буквата „М“ и сакав да се вика Макс. Потоа, се разбира, моите пријателки селанки рекоа: „Да му дадеш на детето име како куче?“. Поради тајмингот на процесот, документацијата додека бевме во болница, сето тоа требаше да се пополни и дојде една жена и ме праша како се вика. Сите почнаа да размислуваат имиња на буквата “М” и некој рече Марио, а јас само реков: “Напиши Марио!” Мене ми е убаво. Се надевам дека нема да ти пречи што се викаш Марио, а мајка ти Марија. Слатко ми е – рече таа.
