Барби, легендарната синоока и русокоса кукла со „идеални“ размери, стана популарна низ Америка во 60-тите години на минатиот век, а нејзината популарност продолжува до ден-денес. Сепак, и покрај нејзиното светско признание и списокот на професии кои ја надополнуваа нејзината „биографија“ (медицинска сестра, астронаут, политичарка), Барби стана еден вид контроверзен симбол, пред се затоа што промовира застарени и главно недостижни идеали за убавина.
Како што е познато, холивудската актерка Марго Роби е главната ѕвезда на хит филмот Барби. Оваа 32-годишна Австралијка повеќепати докажа дека е сестрана и многу надарена актерка која сака да им пркоси на конвенциите, па барем што се однесува до нас, овој избор е повеќе од одличен.
View this post on Instagram
Марго го игра ликот на најпознатата кукла на светот, а за да ги исполни сите барања за оваа улога, холивудската актерка следела строга диета за да ја достигне и одржи витката линија. Меѓутоа, во интервјуто по повод промоција на филмот, славната актерка откри неколку интересни детали, меѓу кои и деталите од исхраната кои ѝ помогнале да ослабне и да ја одржи витката фигура а-ла Барби.
За жал на гурманите, во нејзиното мени нема да најдеме ништо што би ни го разгалило непцето, бидејќи нејзината исхрана е лишена од сите вкусни и вкусни солени и слатки специјалитети.
Актерката откри и дека ги исфрлила јаглените хидрати од исхраната, се разбира и сите шеќери. Во интервјуто најпрвин опиша како го започнува денот, но не заборава да го спомене и појадокот кој се состои од овесна каша и специјално смути, за кое актерката вели дека го зајакнува имунолошкиот систем и ја враќа енергијата на организмот.
View this post on Instagram
– За ручек јадам пилешка салата, а за вечера стек од туна и еден сладок компир. Слаткиот компир се смета за единествена и најдобра намирница која содржи доза на јагленохидрати што можете да ги јадете додека сте на диета. Во текот на денот пијам чај, со кој сум опседната откако живеам во Велика Британија – објасни Марго.
Актерката признава и дека откако се преселила со сопругот во САД, исхраната многу ѝ се расипала, бидејќи хамбургерите и пивото станале нејзина лоша навика. И се тоа, секако, за улогата на Барби морало од темел да се смени.
– Храната ми е многу важна. Сакам плескавици и помфрит, кои ги нарачувам со половина литар пиво. Во САД омилено јадење ми е двојна плескавица, збогатена со сирење и глазура од тартуфи – изјави претходно Марго Роби, која себеси се нарекува вистинска гурманка.
View this post on Instagram
Покрај здравата исхрана за улогата на Барби, Марго ги засилила тренинзите со висок интензитет, со посебна страст за пилатесот.
-По добро истегнување, секогаш се чувствувам многу подобро. Но, кога не се подготвувам за улога, претпочитам тренинг во кој навистина уживам – часови по танц или тенис со пријателите – вели убавата актерка.
