Поранешниот сопруг на манекенката Линда Евангелиста е обвинет за злоставување од најмалку 11 жени.
Поранешниот супермодел, 52-годишната Каре Сутон на прес-конференција во Париз прозборе за силувањата и злоставувањата што ги доживеала додека работела во агенцијата управувана од нејзиниот наводен насилник, Џералд Мари.
Препуштени сами на себеси
Џералд Мари бил претседател на европскиот огранок на една од најголемите агенции за модели, „Elite Model Management“, во времето кога Каре Сутон пристигнала во Париз на само 17 години. Ја откриле во Калифорнија од американскиот огранок на таа агенција и брзо ја испратиле во Франција.
Каре разговарала со истражителите во Париз и на прес -конференцијата, заедно со уште една наводна жртва, Леса Амор, го опишала наводното сексуално злоставување, кое вклучувало и силување од Џералд Мари.
„Само што ја започнав кариерата, и веднаш бев заробена. Зависев од Мари за храна, кров над глава и вработување“, раскажа Сутон, додавајќи дека веднаш ѝ било јасно што се очекува од неа. „Бев свесна дека морам да трпам злоставување ако сакам да продолжам да работам“, додаде поранешниот модел.
Според францускиот закон, овој случај е застарен и наводниот сексуален предатор, не може да биде гонет. Сутон против него поднела граѓанска тужба во Њујорк.
View this post on Instagram
Нејзиното сведочење во Париз, како што вели таа, имало поинаква вредност.
„За мене, правдата не е само некој да биде зад решетки. Бидејќи има многу луѓе како Џералд во оваа индустрија. За мене, тоа сега значи да се видат промени во оваа и сè уште во голема мера нерегулирана индустрија“, рече Сутон.
Таа и Амор се согласиле дека „денешната индустрија е истата индустрија што им овозможила на мажите да плаќаат за пристап до жените и нивните тела“.
View this post on Instagram
Голема поддршка
Кампањата за промени во модната индустрија јавно ги поддржаа поранешните модели Карла Бруни, Хелена Кристенсен, Мила Јововиќ и Полина Поришкова.
Поришкова посочи дека проблемот е што младите модели ги учат да „сметаат дека сексуалното злоставување е комплимент“, додека Јововиќ рече дека таа лично не доживеала ваков вид на злоставување, но дека ја доживеала културата на Дивиот Запад во која децата се третираат како возрасни.
View this post on Instagram
„Вие сте млади и ранливи, и како такви, некој лесно може да ве научи на доживотно злоставување и лоши модели што ја обликуваат вашата самодоверба и чувство за сопствена вредност до крајот на животот“, додаде Јововиќ.
View this post on Instagram
„За време на мојата врска со Џералд Мари, не знаев ништо за наводите за сексуално злоставување, така што не бев во можност да им помогнам на овие жени. Кога ги слушам сега, како и кога се присеќам на моите искуства, верувам дека ја зборуваат вистината. Моето срце се крши поради нивните рани кои можеби никогаш нема да зараснат. Се восхитувам на нивната храброст и сила што решиле да прозборат за ова денес“, рече Линда Евангелиста.
View this post on Instagram
Една од причините зошто поранешните модели проговорија е тоа што тие веруваат дека овие случаи на сексуално злоставување брзо стануваат „застарени случаи“ што ги спречува жртвите да ги пријават своите насилници.
„Жртвите на сексуално злоставување заслужуваат можност да ги пријават своите злоставувачи, а за тоа е потребен правен систем кој работи во согласност со науката што стои зад траумата“, вели Леса Амур.
View this post on Instagram
Мари одговори на обвинувањата преку својот адвокат
„Мари е згрозен од овие лажни и клеветнички обвинувања“, изјави адвокатот, додавајќи дека „тој нема да даде какви било можни изјави до официјалниот разговор со овластените органи“.
