Мајката на Анета Љумаковска ги поддржа ќерката и новиот зет, саксофонистот Рубин Размо на нивниот заеднички настап на „Фолк фест Валандово“.
За песната „После сѐ“, Анета Љумаковска, Јане Динев и „Анета Бенд“, ја добија третата награда и патување во Грција кое како тазе младенци најверојатно ќе го искористат Амета и Рубин, саксофонистот во бендот.
Мајката на Анета, според објавите на Фејсбук беше со неа на фестивалот и сподели неколку слики на својот Фејсбук профил.
„ФОЛК ФЕСТ Валандово. Средба со многу драги луѓе од естрадата. Композитори, текстописци аранжери и изведувачи. Сѐ на едно место“, напиша Љиљана Љумаковска.
Музиката и текстот за песната се на Томислав Коцевски – Пепси, а аранжманот е на Дарко Илиевски.
На 20 мај, фолк-пејачката Анета Љумаковска се омажи за својот колега, музичарот Рубин Размо. На своите профили на социјалните мрежи, пејачката објави заедничка фотографија на која таа е облечена во бел костум со букет во рацете, а тој во бело палто.
Љумаковска не ставила опис до сликата, но по амбиентот и по честитките под неа, станува јасно дека му се заколнала на вечна љубов на колегата. До сликата таа симболично ја избрала песната „Во добро и зло“ (У добру и злу) од Борис Новковиќ.
