По веста за смртта на Сејда Бешлиќ, сопругата на покојниот пејач Халид Бешлиќ, од неа со емотивна порака се прости и нивниот син Дино Бешлиќ.
Тој на Инстаграм објави фотографија и со неколку зборови ја изрази болката по загубата на вториот родител за помалку од една година.
„Мајко моја, останав сам. Ве сакам многу“, напиша Дино.
Сејда Бешлиќ почина по долго и тешко боледување. Таа со децении беше најголемата поддршка на Халид Бешлиќ, со кого сподели речиси половина век заеднички живот. Нивната љубовна приказна често беше наведувана како пример за верност, почит и безрезервна поддршка.
По смртта на Халид Бешлиќ минатата година, нејзината здравствена состојба се влошила, а во последните месеци водела тешка животна битка.
Семејството, пријателите и бројните почитувачи на семејството Бешлиќ деновиве се простуваат од жената која остана запаметена по својата скромност, достоинство и поддршката што му ја даваше на сопругот во текот на неговата богата музичка кариера.
