Како можеш да бидеш толку злобна и љубоморна? Како не можеш да разбереш дека некаде секогаш постои жена која е поубава, помлада, попривлечна, попаметна, помоќна, поуспешна од другата? Колку побрзо го прифатиш тоа, толку посреќна и побогата верзија од себе ќе бидеш, толку покомплетна ќе бидеш. Ова на социјалните мрежи го порача згодната хрватска навивачка Ивана Кнол, откако раскажа дека во Грција била нападната од жена во кафуле затоа што нејзиниот парнер зјапал во убавата Ивана.
Еве што друго порача убавата Хрватка:
„Мислев дека не ми треба обезбедување во оваа безбедна земја, но вчера вечерта бев нападната од непозната жена на околу 40-годишна возраст додека пиеше со пријателите. Причината што ме нападна е што нејзиниот партнер ме гледаше кога влегов. Три часа ме чекаше сама во кафулето додека не завршив и ме нападна. За среќа моите двајца пријатели ја фатија ѝ ја држеа подалеку од мене. Беше толку луда што велеше дека ќе ме убие. Добро е што полицијата дојде по еден час и ја приведоа. Не ви го пишувам ова само за да ви ја раскажам приказната, туку сакам да ве прашам сите жени, што ви е?“, прашува Ивана и додава:
„Немој да се вреднуваш врз основа на критериумите на мажите, бидејќи тие се таму само за да ти дадат сила или главоболка, зависи од твојот избор. Не се таму за да те ценат“, рече Кнол.
