По три распродадени концерти во Загреб, Лепа Брена го закажа четвртиот концерт во најголемата арена во Хрватска.
Имено, таа се огласи на социјалните мрежи и ги извести присутните дека ќе се дружи со нив уште еден ден.
– Третиот е распродаден, па време е да го најавиме четвртиот концерт годинава. Лепа Брена, Арена Загреб на 10 декември 2024 година – напиша Брена на Инстаграм.
По оваа објава, социјалните мрежи зовреа од коментари, а сите се прашуваат дали Брена ќе го надмине рекордот на Алексадра Пријовиќ, која на крајот на минатата година одржа пет концерти во Загреб.
Да потсетиме, Лепа Брена на крајот на минатата година отворено зборуваше за своите планови, а допре и до семејството и пријателите.
– Во 2024 година сакам душевен мир. Немам посебни желби, особено материјални. Она што најмногу го сакам е душевениот мир. Сфатив дека среќата не е да се биде на насловна страница и да имаш милиони лајкови и купени следбеници. Среќата е нешто што го чувствувам затоа што ме лекува однатре и ми дава сила и енергија да ги издржам добрите и лошите страни на мојот живот – рече Брена и додаде дека ги учи младите дека успехот се постигнува само со напорна работа.
