Пунам Пандеј (32) почина од рак на грлото на матката, објави нејзиниот тим.
Пунам Пандеј беше индиски модел и актерка од филмови за возрасни. Таа дебитираше во Боливуд со филмот „Наша 2013 година“.
View this post on Instagram
Таа имаше над милион следбеници на Инстаграм и беше позната по своите смели фотографии и видеа. Сепак, таа често предизвикуваше полемики со своите контроверзни изјави.
Пунам Пандеј ги освои насловните страници во 2011 година кога вети дека ќе се соблече ако индискиот тим го освои Светскиот куп во крикет, а Одборот за контрола за крикет во Индија (BCCI) го спречи овој потег.
Убавицата тврдеше дека била длабоко повредена од одлуката на Би-Си-Си-Ај да не ѝ дозволи да се соблече гола по историската победа на Индија, кога беше на 19-годишна возраст во тоа време.
И следната година интернет сензацијата го даде истото ветување доколку нејзиниот омилен тим од ИПЛ „Колката Најт Рајдерс“ го освои трофејот. Таа објави гола фотографија на социјалните мрежи откако нејзиниот омилен тим стана шампион.
View this post on Instagram
За време на карантинот за КОВИД-19, Пунам Пандеј се најде во неволја со законот кога таа и нејзиниот сопруг Сем Бомбеј го прекршија правилото за излегување. Полицијата во Мумбај ја уапсила двојката и тие биле критикувани за нивното неодговорно однесување за време на пандемијата.
Во 2017 година, таа ја лансираше „Pandey App“ со експлицитна содржина. Гугл ја забрани апликацијата во рок од еден час, со образложение дека таква содржина не доликува на Play Store.
Пунам поднела жалба за семејно насилство против нејзиниот сопруг во 2021 година, што резултирало со негово апсење. За време на реалното шоу „Lock Upp“ манекенката откри детали од семејното насилство кое го претрпела.
Тимот на Пунам Пандеј објави дека починала по храбра битка со ракот на грлото на матката.
View this post on Instagram
„Пунам Пандеј, саканата актерка и личност на социјалните мрежи, утрово трагично почина поради рак на грлото на матката, оставајќи ја шоу индустријата во шок и тага“, изјави нејзиниот менаџер Никита Шарма, пишува „ndtv.com“.
