Леонардо ди Каприо и Џиџи Хадид повторно забележани заедно на забава по повод Ноќта на вештерките. Ова го пренесува изданието Page Six, цитирајќи упатени лица.
И двајцата се појавија на настанот наречен Circoloco во Бруклин, каде што биле видени и други ѕвезди – Ирина Шајк, Стела Максвел, сестрата на Џиџи, Бела Хадид и други.
Според инсајдерски извори, Ди Каприо на забавата се појавил во страшна маска на која е прикажано „половина чудовиште, половина зомби“. Каков костим за забавата одбра Џиџи, инсајдерот не прецизираше.
Според Пејџ сикс, Ди Каприо секогаш оди на забави за Ноќта на вештерките инкогнито и се крие зад маски. Овој пат, пак, актерот повремено ја симнувал маската за да се напие од пијалакот.
Претставниците на ѕвездите не одговорија на барањата за коментар.
Гласините за романсата на топ моделката Џиџи Хадид и актерската ѕвезда Леонардо ди Каприо се појавија откако актерот раскина со својата поранешна љубовница, манекенката Камила Мороне. Леонардо и Џиџи неколку пати беа забележани заедно, вклучително и на забави, иако тие самите не ја коментираа нивната врска.
https://t.co/atPZ35INFe#LeonardoDicaprio #GigiHadid
— INDEPENDENT PRESS (@IpIndependent) November 1, 2022
За наводната романса на Џиџи сепак проговорија нејзините роднини. Таткото на Џиџи, Мохамед Хадид, претходно изјави дека неговата ќерка долго време е пријателка со Ди Каприо, иако не е сигурен дека имаат нешто. Во исто време, тој истакна дека му се допаѓа актерот. Но, Бела Хадид рече дека се сомнева дека Ди Каприо може да ја усреќи нејзината сестра.
