Тринаесеткратната добитничка на Греми, Лејди Гага откри дека нејзиниот глас ќе се слушне во „Top Gun: Maverick“, продолжение на култниот филм од 1986 година, кој премиерно ќе биде прикажан на Канскиот филмски фестивал.
– Кога ја напишав оваа песна за „Top Gun: Maverick“, не ни сфатив колку слоеви се шират низ срцето на филмот, мојата сопствена психа и природата на светот во кој живееме. Работев на неа со години, усовршувајќи ја, обидувајќи се да ни ја доближам. Сакав од музиката да направам песна во која ја споделуваме нашата длабока потреба да бидеме разбрани и да се трудиме да се разбереме едни со други – копнежот да бидеме блиски кога се чувствуваме толку далеку и способноста да ги славиме хероите на животот – објасни Гага на Инстаграм.
„Hold My Hand“ ќе биде премиерно прикажана на 3 мај, додека филмот ќе биде достапен во кината од 27 мај.
View this post on Instagram
