Популарната музичарка и активистка ќе помага во изградба на куќи за семејства во социјален ризик, и овојпат тоа ќе се емитува на телевизија.
На 19 септември, недела, во 20ч, ќе почне со емитување хуманитарниот ТВ проект ,,Проект Куќа со Кристина“ на Телма телевизија.
Овој тв проект се работеше во текот на изминатата година. Се работи за уникатен формат, каде на семејства во социјален ризик, со деца, кои живеат во тешки услови, комплетно им се реновираат домовите и се создаваат услови за нормален живот. Разликата помеѓу овој и проект, и останатите познати на балканските простори, е што во ,,Проект Куќа“ нема спонзори кои редовно донираат во секој дом, и буџет кој е стабилен и наменет за изградба, туку од дом во дом се бараат нови донатори, нови мајстори, се активира општествената одговорност кај компаниите и физичките лица преку апели за донирање, и од емисија во емисија, се апелира до општеството за вклучување во проектот.
Пораката која овој проект сака да ја прати е дека, ЗАЕДНО МОЖЕМЕ ДА НАПРАВИМЕ МНОГУ, САМО ТРЕБА ДА САКАМЕ.
Во првата сезона на ,,Проект Куќа со Кристина“, ќе има 16 епизоди, со премира секоја недела во 20ч, и репризи сабота во 17ч и една во текот на работната недела. Во неа ќе можете да го видите целиот процес на реконструкција на домовите, и се што попатно се случува во текот на работата.
Кристина Арнаудова Петровски е автор, продуцент и водител на овој проект, а е во Продукција на
,,Хепи Хаус продукција и конструкција“.
View this post on Instagram
Целиот процес на работа и собирање донации беше во голема мера отежнат заради пандемијата, заради енормно покачување на цените на градежните материјали како и заради недостаток на
мајстори. Во моментов се уште се работи на собирање донации за домови, и градење, така да во
секој момент секоја компанија, физичко лице или организација е добредојдена да се вклучи.
