Раперот Крис Браун кој се озогласи по врската со пејачката Ријана кога брутално ја претепа во 2009-тата година, сега се соочува со нов скандал. Друга позната пејачка го тужи за силување.
Крис Браун е обвинет за дрогирање и силување жена и противен него е поднесена тужба од 20 милиони долари, пренесува „Би-би-си“. Нападот, наводно се случил на јахта на 30 декември 2020 година во Мајами, Флорида.
Крис Браун навидум одговори на тужбата на својата приказна на „Инстаграм“, сугерирајќи дека добива тужба сега затоа што објавува нова музика.
„СЕ НАДЕВАМ ДЕКА ГО ГЛЕДАТЕ ОВОЈ шаблон… секогаш кога објавувам музика или проекти“, напиша тој.
СЛУШАЈ И ГЛАСАЈ: Ова се шесте песни во трка за претставник на Евровизија
Тужбата е поднесена од неидентификувана професионална танчерка и музичарка, која во правните документи е именувана само како „Џејн До“.
Документите детално наведуваат пет одделни обвинувања против пејачот – сексуален напад, прекршување на Статутот за родово насилство, намерно предизвикување емоционална вознемиреност, несовесно нанесување емоционална вознемиреност и лажно затворање.
View this post on Instagram
Жената тврди дека „се плаши за својот живот и кариера“.
Таа вели дека била поканета на јахта од раперот и продуцент Диди, каде што се случил наводниот инцидент. Според документот, кој го видел „Newsbeat“, жената тврди дека Крис Браун ѝ понудил пијалок по пристигнувањето, а подоцна почувствувала „ненадејна, необјаснета промена во свеста“.
Се тврди дека станала „дезориентирана, физички нестабилна и почнала да губи свесност“, пред да биде одведена во спалната соба каде Браун наводно се соблекол и ја силувал. Се вели дека Браун ја контактирал жената следниот ден, велејќи ѝ да земе итна контрацепција.
Да потсетиме во 2009-тата година Крис Браун беше притворен откако брутално ја претепа пејачката Ријана. Откако го призна делото, во 2015-та година доби условна затворска казна, а минатата 2021-ва година повторно беше под истрага откако една жена го обвини за насилство.
