Високи членови на британското кралско семејство „очекуваат“ принцот Хари и Меган Маркл да присуствуваат на крунисувањето на Чарлс III што ќе се одржи во Вестминстерската опатија на 6 мај 2023 година, пренесува Мирор.
Извор близок до палатата изјави за новинарите дека и покрај фактот што некои високи членови на кралското семејство се „огорчени“ од наводите изнесени од принцот Хари во неговите мемоари, сепак се очекува војводите од Сасекс да присуствуваат на крунисувањето на Чарлс III.
„Од кралското семејство ми кажа дека и Хари и Меган дефинитивно ќе дојдат. Тие целосно го очекуваат тоа. Но, војводите од Сасекс мора да разберат дека постои само една тема за која многу членови на кралското семејство ќе бидат подготвени да разговараат со нив … а тоа е времето“, сподели инсајдерот.
Вчера британскиот весник Експрес, повикувајќи се на извор во Вајтхол, објави дека Меган и Хари се вклучени во списокот на поканети на крунисувањето на Чарлс Трети. Според упатство, владата во моментов развива детален план за присуството на војводите од Сасекс да не ги засени прославите. Поточно, официјалните лица сакаат Вилијам и Хари да не се појавуваат заедно во јавноста.
„Наведени се условите и планирањето е во полн ек за да се осигури дека настанот ќе се одвива што е можно побезбедно – без никаква драма“, објасни изворот.
Претходно беше објавено дека Чарлс III се насмеал како одговор на барањето да се врати принцот Хари во Велика Британија.
