Кралот Чарлс Трети ќе го чека објавувањето на мемоарите на принцот Хари пред да донесе конечна одлука за кралските титули за Арчи и Лилибет, пренесува Мирор.
По смртта на Елизабета II, децата на војводите од Сасекс Арчи и Лилибет требаше автоматски да добијат право на титули принц и принцеза, но тоа сè уште не се случило. Кралскиот експерт Кети Никол тврди дека кралот Чарлс Трети ќе се воздржи од донесување каква било одлука за ова прашање додека книгата со мемоарите на принцот Хари не се појави на полиците.
„Сега кога Чарлс е крал, децата на Хари и Меган автоматски стануваат принцот Арчи од Сасекс и принцезата Лилибет од Сасекс, но тие сè уште се наведени на веб-страницата на кралското семејство како г-дин Арчи Харисон Маунтбатен-Виндзор и госпоѓица Лилибет Маунтбатен-Виндзор. Дали Чарлс ќе отиде толку далеку што ќе им забрани на Арчи и Лилибет да станат принц и принцеза сега кога Сасексите веќе не се сегашни членови на кралското семејство?“, тврди Кејти Никол во својата книга.
Војводата од Сасекс потпиша мултимилионски договор за четири книги со Penguin Random House, од кои првата се неговите мемоари, кои требаше да бидат објавени овој месец, но беа одложени поради смртта на кралицата Елизабета Втора.
