Косата на Доналд Трамп беше тема на разговор по неговото неодамнешно појавување на суд, а упатените ја објаснија промената на бојата во седа поради фактот дека „поранешниот претседател веќе го мрзи да седи со боја на косата“.
View this post on Instagram
Поранешниот претседател на САД е познат по својата необична фризура и боја на коса, на која низ годините ги менуваше нијансите од сребрена, во темно руса, до светло портокалова. Многумина се запрашаа дали Трамп ја бојадисува косата и како го прави тоа?
Трамп престана да ја бојадисува косата кон крајот на 2023 година, кога го загуби судскиот спор против поранешната новинарка Е.Џин Керол, која го обвини за силување. Трамп мораше да плати отштета од 83,3 милиони долари, што влијаеше на неговата финансиска состојба и расположение.
Според книгата „Fire and Fury: Inside the Trump White House“ од Мајкл Волф, косата на Трамп е резултат на сложен процес кој вклучува трансплантација, лекови против опаѓање на косата и боја за коса.
View this post on Instagram
Книгата тврди дека Трамп имал трансплантација на коса во 1980-тите, кога неговата тогашна сопруга Ивана препорачала пластичен хирург кој користел техника која оставила лузни на задниот дел од главата. Поради ова, Трамп мораше да ја чешла косата наназад за да ги покрие лузните.
Во книгата се наведува и дека Трамп користи финастерид, лек кој го спречува опаѓањето на косата, но кој може да има несакани ефекти како што се импотенција, депресија и намалена ејакулација. Тоа го потврди и личниот лекар на Трамп, Харолд Борнштајн, кој рече дека тој му го препишал лекот.
Што се однесува до бојата на косата, книгата открива дека Трамп сам ја бојадисува косата, бидејќи не им верува на фризерите. Тој користи евтина фарба за коса која ѝ дава портокалов сјај на косата.
Поранешниот американски претседател, сепак, не сака да седи со боја за коса на главата, па често ја мие пред да ја постигне саканата нијанса. Поради тоа, неговата коса варира од прилика до прилика, во зависност од тоа колку долго ја држел бојата за коса на глава.
Трамп сега одлучи да ја прифати својата природна седа боја на коса. Некои тоа го сфатија како знак дека Трамп се повлекува од политиката, но се покажа дека не е така.
Доналд Трамп најави дека повторно ќе се кандидира за претседател на Соединетите Американски Држави во 2024 година.
Неговата кандидатура е доведена во прашање, бидејќи се соочува со неколку правни предизвици кои би можеле да го дисквалификуваат од трката.
