Српската пејачка Александра Пријовиќ ја заслужи титулата на една од најпопуларните поп-фолк ѕвезди на регионалната естрада откако целосно ги распродава концертите низ регионот.
Младата ѕвезда не престанува да ја радува својата публика, а со иста еуфорија се распродаде и Загребската Арена, закажувајќи четири концерти кои ќе се одржат во првите денови од декември.
„Загребе, не можев ни да замислам дека ќе најавам четврти концерт во Арена. Ви благодарам за љубовта, ќе се оддолжам со цело срце“ – напиша пејачката на Инстаграм.
Во екот на концертната кампања, хрватскиот портал Индекс.хр спроведе мала анкета на својата ТикТок платформа, а репортерот прашува случајни минувачи дали ја препознаваат пејачката од фотографијата која им ја покажува. На фотографијата е секако Прија.
@index.hr “Svaka joj čast, Prijović je baš u zadnje vrijeme eksplodirala.” #zagreb #arenazagreb #indexhr #aleksandraprijovic #dinomerlin #fyp #foryou
Одговорите се хит. Некои пејачката веднаш ја препознаа, некои дури почнаа и да пејат песни од Прија, ама има и такви кои лошо се снаоѓаа околу препознавање на ликот на младата пејачка.
Еден од минувачите дури рече дека станува збор за Цеца ама во младоста.
@index.hr “Ne znamo tko je Aleksandra Prijović.” #arenazagreb #aleksandraprijovic #hrvatska #indexhr #dinomerlin #fyp #foryou
