Поранешниот модел и позната водителка Данијела Димитровска продолжува со бројни успешни проекти во кариерата. Во новата есенска шема на РТС, публиката ќе има можност да ја гледа во улога на водителка на новиот забавен ТВ-формат „Погоди што знаеш“, а во меѓувреме ја очекува и премиерата на вториот дел од филмот „Жикина династија“.
По искуството во утринската програма и информативниот сектор, Данијела искрено признава дека преминот во забавниот жанр целосно ѝ одговара:
„Утринската програма беше одличен тренинг за мене. Стекнав огромно искуство од врвни професионалци и благодарна сум за тоа, но тоа ми даде можност во овој забавен формат да се чувствувам како своја на своето. Сепак, повеќе сум за забавна програма“.
И покрај обврските, снимањата и ангажманите на социјалните мрежи, Димитровска истакнува дека семејниот живот и приватноста ѝ остануваат на прво место. Таа редовно наоѓа време за син ѝ, сопругот и за семејството во Пожаревац, нагласувајќи дека ужива во улогата на домаќинка и дека кога има желба, секогаш се наоѓа време за најблиските.
