Братот на Дарко Лазиќ, Драган Лазиќ, никогаш не сакаше да се експонира пред медиумите, а исто како неговиот постар брат и тој беше пејач.
Тој и Дарко беа многу блиски, а како што во една прилика рекол, не сакал да биде дел од естрадни емисии бидејќи ги гледал негативните страни од тоа преку примерот на својот брат. Тој пееше и настапуваше со својот бенд, но свесно одлучи да се држи подалеку од светот на шоу-бизнисот.
– Не ми се допаѓа како изгледа таканаречениот шоу-бизнис во нашата земја денес. Не мислам дека ми е потребен. Работам со мојот бенд, имам околу 80 закажани настапи во текот на годината, и тоа ми е доволно – рекол Драган еднаш за „Блиц“.
Тој зборуваше и за својата врска со својот брат, и открил дека му одмогнало што познатиот пејач му е брат.
– Ми одмогна што сум брат на Дарко. Новинарите ме викаат постојано, а јас немам мир. Затоа ги избегнувам медиумите. Не ми забрани да зборувам за него, но искрено – сè што ве интересира, треба да го прашате него – рекол Драган во неодамнешно интервју за „Хајп“.
Да потсетиме, Драган Лазиќ денеска загина во тешка сообраќајна несреќа со мотоцикл. Бил итно пренесен во болница, кадешто го изгубил животот.
