Џони Деп е многу дарежлив човек со најголемото срце од сите луѓе што ги запознав. Го сакам и му посакувам само најдобро и се надевам дека ги има истите чувства кон мене. Со нетрпение чекам да се сретнеме повторно затоа што би сакала да го гушнам, вели Лори Алисон, поранешната сопруга на славниот актер.
Таа во интервју за подкастот Popcorned Planet зборуваше и за врската меѓу Деп и неговата поранешна сопруга Амбер Херд.
„Ја запознав на забавите во нивната куќа и ми изгледаше многу убаво, а беше и убава, па не беше тешко да се заљуби во неа. Но како одминуваше времето слушав разни работи за неа и тој веќе не ми изгледаше среќен“, изјави Алисон.
Таа откри дека судењето го гледала во солзи и дека била многу загрижена.
„Тоа што му го направи Амбер е ужасно и кога би можела некако да ѝ се одмаздам, а ако е легално, би го направила тоа“, изјави Лори Алисон.
