Кинеските власти ублажија дел од ограничувањата против ковид во Пекинг и Гуангжу, откако се одржаа големи протести во поголемите кинески градови против строгите мерки за борба против коронавирусот, пренесува The South China Morning Post.
Властите во Шангај ги демонтирале таблите со името на улицата Урумчи, каде што ден претходно се одржаа протести на локалните жители против строгите ограничувања против ковид. Локалните жители ја избраа оваа улица како место за протест во чест на споменот на жителите на градот Урумчи во автономната област Ксинџијанг Ујгур, кои загинаа во пожар. Неколку дена пред инцидентот, жителите на куќата биле ставени во карантин поради појава на коронавирус, па не можеле брзо да ги напуштат становите. Како резултат на инцидентот загинаа десет лица, а уште девет беа повредени.
Кинеските власти денес дадоа и наредување за време на карантинот граѓание да не се заклучуваат во домовите и да не ги блокираат излезите и ходниците.
