Победничката на реалното шоу „Задруга“, пејачка и водителка, Кристина Кија Коцкар, сподели со своите следбеници на социјалните мрежи дел од приватната преписка со партнерот кој подолго време го крие од очите на јавноста.
Според пораките што ги објави, може да се заклучи дека станува збор за однос исполнет со блискост и внимание.
Кија покажа пораки во кои разменуваат зборови на грижа, нежност и поддршка: „Да љубов, многу беше важно, сега сме мирни околу тоа, се надевам дека ќе престане набрзо, те боли ли?“, „Дали јадеше?“, „Моја душо, најубава на светот“, „Нема да спиеш за 20 минути?“ – само неколку од пораките што Кија ги сподели со своите следбеници.
Наскоро, на социјалните мрежи се огласи пејачката Катерина Живковиќ, која изнесе сериозни тврдења за емотивниот живот на Кија. Во објави кои привлекоа големо внимание, Живковиќ тврди дека Кија наводно е во врска со оженет припадник на полицијата.
„Дали тоа му го благодариш на некои од твоите пријатели кои ги имаш, а тоа се лажни профили кои ми го навредуваат детето и покојниот татко? И да, уште еднаш да ти поставам прашање – како се вика оженетиот љубовник од полиција?“ – напиша Катарина, но тука не застана. „Бидејќи сторијата истече, а одговори сè уште не добив, принудена сум да ги објавам на ѕидот – можеби така ќе ми одговориш на прашањето како се вика долгогодишниот љубовник, припадник на полицијата, близок на онаа со која се фотографираш, а не ја познаваш и кој, како што слушнав, бил суспендиран поради близок контакт со лице од криминоген свет?“ – напиша пејачката.
