Холивудската актерка Кетрин Зита-Џонс проговори за нејзиниот брак со Мајкл Даглас, споредувајќи го со чантата на Шанел, пренесува Дејли меил.
Зита-Џонс (53) даде искрено интервју во кое зборуваше за „подемите и падовите“ на нејзиниот брак со Даглас (78).
„Невозможно е да нема подеми и падови ако живеете со иста личност и се будите со него секој ден. Се будам со Мајк скоро 25 години. Сакам да сум во брак, но лудо е кога ќе почнам да размислувам за тоа. Изгледа како чанта на Шанел за која потрошив цело богатство. Мислиш дека ќе ми здосади, ќе ја ставам на препродажба. Но, сè е поинаку во реланоста“, сподели актерката со новинарите.
Ѕвездата на „Маската на Зоро“ додаде дека и покрај се, таа и Мајкл „едноставно се согласуваат навистина добро и се почитуваат еден со друг“.
„И никогаш не ја почувствував нашата разлика во години, иако Мајкл е 25 години постар од мене. Се сеќавам дека луѓето велеа: „Кога ќе имаш 50 години, тој ќе има 75 години“. Па, тоа е само математика“, изјави актерката.
