Пејачот Петар Грашо неодамна откри симпатична анегдота поврзана со неговата тригодишна ќерка Алба, која предизвикала смеа кај сите присутни, вклучувајќи го и Здравко Чолиќ.
Грашо раскажа дека во нивниот дом често доаѓаат негови музички колеги, па за Алба е сосема вообичаено да ги гледа познатите пејачи како семејни гости.
„Таа мисли дека е сосема нормално сите што доаѓаат кај нас дома да бидат познати. Пред неколку месеци беше Здравко Чолиќ, доаѓа Јелена Розга, беше и Нина Бадриќ… За неа тоа е нешто сосема вообичаено. Не разбира дека луѓето што ги гледа и на телевизија не се секојдневна појава“, раскажал Грашо.
Потоа ја споделил случката што особено го насмеала.
„Здравко беше кај нас пред неколку месеци. Седевме и разговаравме, а Алба беше во другата соба. Во еден момент Здравко почна да пее, а таа излезе и му рече: „Те молам, престани да пееш, гледам цртан филм!“, раскажал Грашо низ смеа.
Тој додал дека за него, кога бил на нејзина возраст, Чолиќ бил вистински идол.
„Му реков на Здравко: ‘Јас на четири години те обожавав, ми беше како бог. Да ми пееше дома на таа возраст, ќе умрев од среќа, а ова малечково те брка од дома.’ Но, навистина беше преслатко. Тоа беше една прекрасна вечер“, рекол пејачот.
