Пејачката Бојана Скендеровски го одбележа седмиот роденден на својот син Ѓорѓи со емотивна објава на социјалните мрежи, во која се потсети на тешките моменти што ги преживеала веднаш по неговото раѓање.
По повод роденденот, таа сподели повеќе фотографии од синот направени низ годините, но и искрено проговори за стравот што го почувствувала кога лекарите ѝ соопштиле дека новороденчето ќе биде под внимателен надзор поради ниските Апгар оценки.
„Тој 14/07/2019 ми го скрати животот на еден час, имаше лоши Апгар оценки, докторката рече ќе го следиме во следните 120 минути, и сè уште свежо се сеќавам дека во ладната шок соба се препотував секоја минута од тие предолги 120…“, напиша Скендеровски.
View this post on Instagram
Таа открива дека, и покрај неизвесноста на самиот почеток, уште првата ноќ кога се вратиле дома, Ѓорѓи мирно спиел, овозможувајќи ѝ и таа да се одмори по породувањето.
„Е, од тогаш навака не се променија многу работите. Уште ми го скратува животот од време на време, ама вреди зошто го сакам повеќе од себе…
Мојот Ѓорѓи денес полни 7 години. Жив и здрав мајкин!“, напиша пејачката.
Бојана Скендеровски и нејзиниот сопруг Васко се родители на две деца – син и ќерка, а пејачката често споделува моменти од семејниот живот со своите следбеници.
