Асистентите на Кејт Мидлтон добија забрана да откриваат детали за нејзината облека.
Палатата Кенсингтон вовела нови правила, пишува Дејли експрес. На персоналот сега им е забрането да откриваат детали за облеката на Кејт Мидлтон бидејќи има премногу внимание на медиумите на тоа што таа носи. Ова предизвикало незадоволство во палатата.
До неодамна, персоналот секогаш објавуваше детали за новата облека на принцезата од Велс за секоја свечена пригода, освен за понеформалните, како што се посета на фарми или градини, каде што таа носеше секојдневна облека.
Но, сега, како што пишуваат британските медиуми, ваквите информации ќе бидат забранети, освен ако не се работи за исклучително важен и гламурозен настан, како филмска премиера или државна посета каде Кејт „користи модна дипломатија“ носејќи модни парчиња диизајнирани во традицијата и боите на земјата домаќин.
