На личниот профил пејачката Џенифер Лопез ја смени профилната фотографија и наместо не астави црна и, понатаму – ги избриша сите фотографии, пренесува Си-Ен-Ен.
Сите претходни фотографии на нејзиниот верификуван профил беа избришани, а не беа објавени нови објави ни на ТикТок ниту на Твитер.
Севкупно, Џенифер Лопез има речиси 347 милиони следбеници. Ваквите активности на познатите личности обично претходат на некоја важна најава.
Во петок, на 25 ноември се навршуваат 20 години од објавувањето на нејзиниот трет студиски албум This Is Me… кој му го посвети на својот сакан Бен Афлек. Албумот ги вклучуваше сингловите „Jenny from the Block“, „All I Have“ и „Dear Ben“.
На Твитер, каде што последната објава беше ретвит од нејзиниот претстоен филм со Џош Духамел во главната улога, фановите коментираат со прашања и изразуваат возбуда. „Нешто големо мора да се случи!“, напишаа обожавателите. Сепак, самата пејачка молчи и не стапува во контакт со фановите.
