Легендарниот голман Икер Касиљас ги изненади своите следбеници на социјалните мрежи со својата објава, а потоа за некое време ја избриша.
Шпанецот напиша саркастична објава на Твитер во која наводно ја открива својата сексуална ориентација.
-Се надевам дека ме почитувате: Јас сум геј – се појави на неговиот профил на Твитер.
Веста веднаш одекна во Шпанија, а потоа и во светот, и за нешто повеќе од еден час беше споделена преку 200 илјади пати.
За да биде уште поинтересно, зачин во приказната додаде соиграчот на Касиљас во шпанската репрезентација, Карлос Пујол.
–Време е да ја раскажеме нашата приказна, Икер – напиша тој и објавата ја збогати со емотикон со срце и бакнеж.
View this post on Instagram
И баш кога светските таблоиди доживуваа кулминација, Касиљас го избриша твитот.
Сепак, малку беше веројатно дека неговата објава е признавање, па во шпанските медиуми се појавија тврдења дека веројатно се работи за шега, дека пораката е дело на хакер или дека легендарниот голман ја напишал иронично, сакајќи да испрати порака дека му е преку глава од медиумските наслови и дека сака да го остават на мир.
Тоа наводно било одговор на гласините дека е во врска со Алехандра Оњево, братучетка на неговата добра пријателка Тамара Фалко, пишува шпанскиот весник „ТК“.
Конечно, Касиљас ја разреши мистеријата со нова објава во која објасни дека профилот му бил хакиран, им се извинува на неговите следбеници, но и на ЛГБТ заедницата.
Cuenta hackeada. Por suerte todo en orden. Disculpas a todos mis followers. Y por supuesto, más disculpas a la comunidad LGTB. 🙏
— Iker Casillas (@IkerCasillas) October 9, 2022
Во последните години бројни неволји натежнаа на легендата на Шпанија, Реал Мадрид и Порто. Во 2019 година доживеа срцев удар, неговата сопруга се разболе од тумор, а набргу по неговата болест Сара го остави по 11 години брак. Поради тој тежок период, голманот призна дека е во депресија.
-Не спијам редовно. Сакам да изгледа како да сум добро, но не можам да уживам во животот. Слушам стари песни, но веќе не можам да сонувам – изјави тој.
