Раперот Канје Вест, се чини, едвај ја дочекал веста за раскинувањето на неговата поранешна сопруга Ким Кардашијан и Пит Дејвидсон.
Ким поднесе барање за развод од Канје минатата година, а по започнувањето на врската со Дејвидсон, Вест постојано се обидуваше да ја саботира нивната врска со тоа што јавно го омаловажуваше момчето на неговата поранешна сопруга. Сега, очигледно, тој сака да ѝ порача на Ким да се откаже од разводот.
– Ова раскинување е поттик за Канје да се потруди повеќе и да ја врати Ким и да ја натера да се откаже од нивниот развод. Тој со месеци ѝ кажуваше дека таа и Пит не треба да бидат заедно. И иако Канје не беше најголемиот обожавател на Пит, во последните недели тој се фокусираше на тоа да ѝ покаже на Ким дека се цврсто семејство – изјави извор за странските медиуми.
– Досега Ким едноставно се фокусираше на тоа Канје да биде најдобриот татко. Таа секогаш ќе го обожава Канје и ќе го цени како татко на нивните деца, но тој ќе мора да вложи голем напор за да ја врати назад. Но тоа не е невозможно. Многу добро се сложуваат во последните недели – додал изворот, пренесува курир.рс.
Сепак, блиска пријателка на Ким Кардашијан изјавила дека таа нема намера да се враќа кај бившиот сопруг.
– Тешко дека ќе се премисли за разводот. Тие го решија прашањето за заедничко родителство и таа не сака да го уништи тоа. Ким чувствува дека го контролира својот живот повеќе од кога било досега. „Немојте да се изненадите ако таа повторно се појави со помлад маж“, рече изворот.
