Покачената телесна температура се смета за температурна вредност над нормалната телесна температура – над 37,0 степени, иако има и луѓе чија дневна телесна температура е на малку повисоко ниво (обично до 37,5). Покачената температура се јавува како симптом на многу болести, без разлика на возраста.
Речиси секој имал во животот покачена температура и се чувствувал исцрпено, со бранови на треска или треперење кога температурата била значително висока. Тоа создава непријатност, но обично не е причина за загриженост, освен ако не достигне вредност од 39,5 степени или повисока.
За новороденчиња и доенчиња, дури и мало зголемување на температурата може да укаже на сериозна инфекции.
Како да се измери температурата?
За да се провери температурата на вашето тело, се користат различни видови термометри: орални, ректални, ушни, може да бидат дигитални или со жива, до бесконтактни и со инфрацрвени зраци.
Најчесто се употребува таканаречениот орален термотетар кој се става под пазувите 4-5 минути и покажува малку пониска температура отколку кога се става во устата, но е добар за прва проценка.
Кога да се оди на лекар?
Новороденчиња
Кога нивото на температурата е над 38,0 степени и особено ако има други поврзани симптоми како кашлица и дијареа.
Деца
Кога температурата е над 38,0 степени некое време, кога детето повраќа, раздразливо е или лошо реагира на прашања.
Возрасни
Кога температурата е над 39,4 степени со придружни симптоми на силна главоболка, осип на кожата, чувствителност на силна светлина, вкочанет врат, недостаток на ориентација, повраќање, абдоминална болка или болка при мокрење.
Како да се намали температурата?
Лекарите препорачуваат земање лекови за намалување на телесната температура (антипиретици) кога температурата е 38,0 степени или повисока. Температурите до 38,0 степени се сметаат за пожелна за борба на имунитетот против предизвикувачкиот агенс.
Овие се најкорисните лекови:
парацетамол (Лупоцет, Лекадол)
ибупрофен
аспирин (само за возрасни).
Во случај на висока телесна температура, како дополнителна помош и терапија за ублажување на симптомите, се препорачува:
ставање млаки облоги
туширање во млака (не ледена!) вода
пијте доволно течности (вода, чај, негазиран сок или пијалоци за рехидратација)
одмарање
лесна облека, менување облека ако се потите
проветрување на просторијата во која престојувате.
Што да избегнувате кога температурата е висока?
физички напор
консумирање алкохол или пијалоци со кофеин
заменете ја испотената облека со сува (не преоблекувајте се за намерно да ги „испотите токсините“)
престанете со секаква диета и гладување, јадете правилно, разновидно и колку што ви дозволува апетитот.
Намалување на температурата со ладен туш?
Сигурно многу пати сте го слушнале советот дека туширањето е сигурен начин за разладување и еден од ефективните методи за намалување на температурата. Сепак размислете добро. Ако имате многу висока температура и ви е ладно, воопшто нема да ви се допадне туширањето. Дополнително, ако направите премногу разлика во температурата, буквално ќе го шокирате телото!
Бидејќи симнувањето на температурата со туширање не е секогаш едноставно или пријатно искуство, еве алтернатива. Изладете се со влажен сунѓер или влажна крпа. Најдобро е да ставите влажна облога на челото. И во овој случај водата треба да биде млака, бидејќи ако е премногу ладна, ќе почнете да се тресете.
Кои чаеви помагаат?
Чаевите се одличен избор при зголемена температура. Сепак, за симнување на температурата се сметаа најдобри – зелениот чај, мајчина душичка и реиши чај.
Исклучително ефикасен се покажал и чајот од ѓумбир кој го поттикнува излачувањето на течносто и потењето во организмот и на тој начин разладува и ја намалува температурата.
Облоги со ракија
Облогите за ракија често се препорачуваат за намалување на телесната температура. Можете да користите „комова“ ракија и малку да ја разредите со вода, а потоа потопете ги чорапите во овој раствор и облечете ги.
Има и друга варијанта, а тоа е да потопите крпа во растворот и со него да ги измасирате стапалата и дланките, наместо комова или лозова ракија, можете да употребите и медицински алкохол.
Науката не е на страната на овој метод бидејќи алкохолот брзо испарува и самиот ефект не е подобар од самата вода, а одредени дози на алкохол можат да предизвикаат иритации на кожата (особено ако не го растворите) и алхолот секако се апсорбира и преку кожата.
Јаболков оцет за намалување на температурата
Ако немате ракија, јаболковиот оцет е добра замена, ако не и подобра. Можете да го користите и за масажа на стапалата и дланките. Кога се користи како облога за стапалата, често се користи во комбинација со пченкарно брашно.Направете паста од пченкарно брашно и јаболков оцет и ставете ја на стапалата.
Науката не е на страна ни на овој метод, бидејќи јаболковиот оцет има силна миризба и може да предизвика дополнително гадење кај пациентот со покачена температура.
