Во петок, 17.3.2023 година, со почеток во 19:30 часот, во галеријата на Младинскиот културен центар, ќе биде отворена изложбата „Р/Еволуција“ на Владимир Ѓорѓиевски, Назли Џан и Александра Јовановска.
Во галеријата ќе бидат изложени дела од областа на традиционалното сликарство, дигиталната уметност и дела изработени со помош на вештачка интелигенција.
Изложбата претставува концептуална целина сочинета од три различни техники на изразување на идејата и креативното доживување. Тројца автори чијшто визуелен израз говори за една не толку суптилна промена во однос на уметничката перцепција и начинот на реализација на идеите, колку за влијанието на технологијата и нејзиниот примат во изборот на медиум.
Изложбата е организирана од Факултетот за уметност и дизајн при Меѓународниот балкански универзитет – Скопје, во соработка со Младинскиот културен центар.
Изложбата ќе биде отворена до 31.3.2023.
