Концертите на Александра Пријовиќ привлекуваат големо внимание, не само од публиката која ја опсипува со комплименти, туку и од јавните личности кои во голема мера ја поддржуваат.
Посебен интерес предизвикаа настапите на Прија во Загреб, уште пред да се одржат.
Беше дочекана како сензација, а успеа да распродаде дури пет концерти. Имаше изјави од познати личности дека „не слушнале ниту една песна од Александра Пријовиќ“, но сепак, многумина излегоа во нејзина одбрана.
– Зошто да немаме свој избор? – изјави Јосипа Лисац за концертите на Прија.
„И јас имам концерти кои се полни и распродадени, и други имаат концерти кои се полни и распродадени, тука нема никаква љубомора. Не сакам ништо против да кажам“ – нагласи музичката дива, па продолжи во свој стил:
„Особено кога се тука луѓето кои ги платиле своите билети, па тоа е фантастично. Зашто јас знам некои концерти на кои половина од билетите се поделени бесплатно“.
„Дали има правда? Не знам. Но ако си ти спремен за концерт и можеш да го распродадеш, феноменално! Тука нема зборови. Зборовите тука звучат глупаво. Кога ќе се направи репортажа (од концертот), тоа покажува се“ – објасни Јосипа.
