48-годишната Рајчел Кеке, по потекло од Брегот на Слоновата Коска, Французинка од 2015 година, на паламентарните избори во Франција ја победи со неколку гласови повеќе Роксана Марасинеану, поранешна министерка на Макрон.
Меѓу неочекуваните резултати на француските парламентарни избори кои го редизајнираа Националното собрание, е и изборот на пратеничката Рејчел Кеке, келнерка на хотелот Ibis Clichy-Batignolles, во северниот дел на Париз, избрана под боите на „Нупе“ – новиот еколошки и социјален народен сојуз.
48-годишната Рајчел, по потекло од Брегот на Слоновата Коска, Французинка од 2015 година, ја победи поранешната министерка на Макрон, Роксана Марасинеану, со неколку гласови.
Родена во 1974 година во Абобо, северно од Абиџан и мајка на пет деца, таа пристигна во Франција во 2000 година. Се прослави како бранител на правата за време на долготрајниот протест на собарките на хотелите во Париз помеѓу 2019 и 2021 година. Како синдикалка, таа ги мобилизираше своите колеги цели 22 месеци барајќи подобри плати и подобри услови за работа. Таа се нарекува себеси „воин“ и има намера да крева врева во Парламентот.
« L’Assemblée nationale va trembler ! » 🔥🔥🔥 #circo9407 pic.twitter.com/hhruUSO0iS
— Rachel Keke (@KekeRachel) June 19, 2022
„Од вечерва сум пратеничка, ме избраа за пратеничка. Не можам ни да го кажам, пра-те-ни-чка. Јас сум гласот на безгласните. Јас сум келнерка, собарка, службеник за обезбедување, негувателка. Претставничка на сите овие невидливи занаети. И во Националното собрание овие занаети ќе станат видливи “, рече таа возбудено откако дозна за победата.
🗣️ “Je suis la voix des sans-voix. Je suis femme de chambre, femme de ménage, agent de sécurité, aide-soignante, aide à domicile : je suis tous ces métiers invisibles. Et à l’Assemblée nationale, ces métiers seront visibles.” @KekeRachel a été élue députée ce dimanche 19 juin. pic.twitter.com/DPAj3dwwOd
— L’Obs (@lobs) June 20, 2022
Во нејзината програма, Рејчел ги презема главните столбови на Нупе, како што е зголемувањето на минималната плата и замрзнувањето на цените на основните производи.
