Кралицата на народната музика Лепа Лукиќ неодамна отворено прозборе за најтешкиот момент од младоста, откривајќи дека на 22-годишна возраст ја прекинала бременоста, што подоцна довело до здравствени компликации поради кои никогаш повеќе не успеала да остане бремена. Нејзината искрена исповед брзо предизвика бројни шпекулации во јавноста дека татко на детето бил легендарниот пејач Тома Здравковиќ.
Пејачката реши да ги прекине сите чаршиски муабети и демантираше дека со Здравковиќ имала нешто повеќе од колегијално пријателство:
„Имав 22 години кога ја прекинав бременоста бидејќи мислев дека ми е рано. Да знаев какви последици ќе имам, никогаш немаше да го направам тоа. Подоцна дури и се откажав од пеењето само за да станам мајка, бидејќи страшно патев. Но, што се однесува до Тома Здравковиќ, ние никогаш не бевме во љубовна врска, туку бевме само добри другари. Исто како што поради филмот пишуваа дека бил во врска со Силвана Арменулиќ, а ни тоа не е вистина. Не ме навредуваат тие приказни, едноставно не се замарам со нив“.
Иако нејзината животна желба да се оствари како мајка остана неостварена, Лепа истакна дека зад себе го остава минатото и не дозволува непроверените шпекулации да ѝ го нарушат мирот.
