Шефот на Tesla и SpaceX, Илон Маск, иронично го коментираше скандалот со Меган Фокс: политичарот Роби Старбак рече дека актерката ги тера нејзините синови да носат женска облека, а таа му одговори дека „стапил во контакт со погрешна вештерка“.
Милијардерот очигледно ја имал на ум оваа ситуација кога напиша на Твитер дека „бара потпретседател за вештерство и пропаганда“. Еден корисник ја коментираше објавата на Маск, наведувајќи дека Меган Фокс е „лоша во пропагандата“. На ова, шефот на SpaceX одговори дека „никој не е совршен“.
Уште претходно постоеше конфликт меѓу Меган Фокс и поранешниот кандидат за Конгресот на САД, Роби Старбак. Политичарот рече дека актерката ги „присилува“ своите синови со поранешниот сопруг Брајан Остин Грин да се облекуваат во женска облека кога всушност сакаат да се облекуваат како момчиња. Тој ова го нарече „злоупотреба на деца“.
Меган Фокс му одговори и повика „да не го искористува родовиот идентитет на нејзините деца за да го привлече вниманието на неговата политичка кампања“.
„Многу пати се обидоа да ме запалат на клада од такви несигурни, нарцисоидни, безвредни импотентни луѓе како тебе, но јас сè уште сум тука. Ти стапи во контакт со погрешна вештерка“, рече таа.
Ова не е првпат Меган Фокс да биде критикувана за тоа што нејзиниот син носи фустани. Во минатото, американските медиуми пишуваа дека токму поради фустаните, детето го малтретираат другите деца на училиште, а како мајка таа не е многу загрижена поради тоа.
Според актерката, Ноа почнал да се интересира за фустани на 2-годишна возраст. Фокс прочитала многу книги на оваа тема, и како што вели, сфатила дека човек може да го изрази своето „јас“ со помош на облека и тоа можеби нема никаква врска со неговата сексуална ориентација. Од папарацо фотографиите се гледа и дека и другите нејзини синови понекогаш се појавуваат во женска облека.
