Пејачката Лана Јурчевиќ и нејзиниот партнер Филип Кратофил го очекуваат своето второ дете. По тој повод, 41-годишната Лана откри што најмногу посакува да јаде во текот на бременоста.
„Стари мој, колку јадам сарми, не можам ни самата да си објаснам. Тоа е веројатно поради зелката, знаеш… и таа киселост – како кај киселите краставички. И баш е сезона. Да е лето, сигурно не би јадела сарми, но сега ги имам на менито секои два дена. Не знам, едноставно сум опседната со нив“, изјави таа за „Ин Магазин“.
Лана откри и што најмногу ѝ недостига.
„Настапите секогаш ми биле издувен вентил, огромно задоволство. Сè што е поврзано со музика навистина го сакам – тоа е мојата прва голема љубов. Таму можам да правам сè што не можам во секојдневието, затоа сцената толку многу ми значи. Но овој пат морав да застанам, затоа што во првата бременост со Мајла настапував до самиот крај, со нереално темпо“, признава таа.
Лана и Филип се родители на едногодишната ќеркичка Мајла Лили, а пејачката неодамна соопшти дека повторно е бремена. Двојката е заедно осум години. На почетокот врската ја чуваа подалеку од јавноста, а денес повремено споделуваат заеднички фотографии, но сепак внимателно ја чуваат приватноста.
