Дарко Лазиќ е на семеен одмор со сопругата Катарина и ќерката на Малдивите, а неговата избраничка редовно споделува снимки од егзотичната дестинација.
Ноќта им започнала со неочекувана ситуација. Во доцните часови Катарина објави видео на кое се гледа како пејачот, полуразголен, се обидува да влезе во апартманот. До проблемот дошло кога нивната ќерка ја затворила вратата, а тие претходно не го понеле клучот.
Околу два и пол часот по полноќ, Лазиќ морал да најде начин да стигнат до креветот и до своите работи. Се качил на стол и се обидел да ја прескокне оградата.
„Ајде, прва вечер на Малдивите. На полноќ Срна ни ја затвори вратата и немаме клуч… Уф, многу е високо, мислам дека подобро јас да се качам“, рече Катарина кога сфати дека оградата е превисока за Дарко лесно да ја прескокне.
Таа инсистираше таа да се качи бидејќи е полесна, но пејачот одби. Потоа донесе канта за отпадоци, се качи на неа и повторно се обиде.
„Леле, ако сега се повреди. Дај јас ќе се качам, полесна сум“, му рече таа, додека Лазиќ нервозно реагираше.
На крајот успеа да ја прескокне оградата и да влезе во сместувањето, додека Катарина остана надвор и не можеше да престане да се смее на целата ситуација.
