Со нов имиџ, Сузана Турунџиева се обрати на Фејсбук и раскажа за тоа каква голема промена ѝ се случила.
– Трчаш за на работа… Трчаш да се вратиш од работа… Трчаш да најдеш и дополнителна работа…
Трчаш да платиш сметки, рата за кредит, летување за децата… Школување… Курсеви, секции…
Трчаш да испазариш, да зготвиш, да пречекаш и испратиш гости…
Трчаш по состаноци, настани, „битни“ средби… Ги оставаш „на чекање“ најважните луѓе во твојот живот, за некои наводно „значајни“ настани…
Трчаш и никако да истрчаш насекаде. До каде, до кога?! Зошто?! Престани да се натпреваруваш со животот, успори малку, преиспитај се и откриј на колку СЕ места не мораш да бидеш…
Намали го малку товарот кој сам(а) си го качил(а) на твојот грб… Престани да мислиш на СЕ и на СИТЕ, СЕКОГАШ! НЕ ЗАБОРАВАЈ ДА СЕ СТАВИШ СЕБЕСИ НА ПРВОТО МЕСТО, особено ако од тебе зависат и други членови во семејството…
Запамти! СЕ може да почека, само твоето здравје НЕ!
Закажи прегледи и грижи се за твоето здравје, НАЈПРВО ЗА СЕБЕ, после за се останато! – напиша водителката и пејачка.
Таа неодамна во интервју за „Слободен печат“ рече дека ја победила лошата дијагноза и дека сега себеси се става на прво место.
