Пејачката Гоца Тржан отворено зборуваше за семејството, мајчинството и своите желби за иднината, откривајќи дека денес најмногу би сакала да ја добие улогата на баба.
Во разговор за еден медиум, таа се осврна и на темата за проширување на семејството. За можноста да има уште едно дете со години отворено зборуваше во јавноста, а особено искрено говореше за својата борба со постапките за вештачко оплодување. Сега, сепак, вели дека се откажала од таа желба и открива зошто.
„Многу зборував во јавноста на тема вештачко оплодување, пред сè поради жените кои не знаат кому да му се обратат и по кој пат да тргнат. Секогаш сакав да бидам поддршка, бидејќи и на тоа поле постои еден вид непријатност. Денес имам 52 години и морам да кажам дека за мене таа приказна е завршена“, искрено раскажала Тржан за „Маме“.
Пејачката веќе има ќерка, Лена, а неодамна станала и стрина. Сега се надева дека наскоро ќе добие уште една важна семејна улога.
„Станав стрина, имам ќерка и се надевам дека наскоро ќе станам баба. Би сакала тоа да ми се случи додека сè уште ми е здрав ‘рбетот“, рекла таа.
Тржан се присетила и на сопственото семејство, велејќи дека нејзината мајка ја родила кога имала само 20 години.
„Лена е девојка, мене мајка ми ме родила на 20 години. Колку и да би сакала полека сето тоа да дојде со внуче, сепак, од друга страна, би сакала да станам баба што поскоро“, додала пејачката.
Гоца Тржан често е тема на коментари на социјалните мрежи, особено поради нејзиниот директен начин на изразување. Таа признава дека одамна престанала да се оптоварува со негативните мислења за неа.
„Драго ми е што тоа е констатирано и сто проценти е точно. Знаете како, погребав две пријателки кои беа многу млади. Беа мои врснички. Кога ќе сфатиме дека секој ден може да нè нема, навистина не ми е гајле што ќе мисли кој било за мене“, рекла таа.
Пејачката додава дека се труди да живее што е можно поисправно и да не се меша во туѓите животи.
„Се трудам да живеам што е можно поисправно, да не ставам раце во туѓи џебови и да ги почитувам границите на луѓето до кои ми е грижа. Сè останато воопшто не ми е важно“, нагласила Тржан.
