Пејачката Гоца Божиновска (60) проговори за најстариот занат на естрадата, откривајќи дека за време на настапи често се соочувала со непристојни понуди.
– Секогаш тоа беше присутно, ние колегите знаевме меѓусебно што се случува и кој се занимава со тоа. Понекогаш ќе одев на настап, ќе се појавеше газдата и ќе прашаше: „Колико да ти дадам, колку чиниш?“ – раскажува Гоца, додавајќи:
„Мислев дека зборува за настапот, а тој ќе ми одговореше: Не, не, колку чиниш после настапот?“. Марш, поради тоа сум изгубила толку настапи во животот. Што вредат тие валкани пари? Одите во соба два со два и тоа е тоа“, изјави пејачката.
Гоца исто така зборуваше и за својот живот со некогашниот боксер и контроверзен човек Зоран Шијан, со кого има две деца. Тие се запознале во 1989 година на одмор во Херцег Нови, а нивната љубов започнала „на прв поглед“. Иако Зоран ја запросил веднаш, Гоца никогаш не ставила бурма на раката, а живееле во вонбрачна заедница во вила во Сурчин.
Пејачката сподели и искуство од еден настап кога и се додворувал човек за кого подоцна слушнала дека е вмешан во убиството на Шијан.
– Пеев, а некој ми се доближуваше и ми велеше дека сум убава и дека сè ќе направи – рече Гоца.
Во интервјуата, таа открива дека секогаш ја привлекувале убавите мажи и дека во односот со Шијан никогаш не почувствувала дека е „лош“ во вистинската смисла на зборот.
