Слаѓа Делибашиќ се враќа на музичката сцена со стариот хит „Доџи на реку“, кој неодамна го објави на социјалните мрежи и повторно ги освои слушателите. Во искрен разговор за српските медиуми, пејачката откри детали за својот приватен живот, односот со семејството Ѓогани, како и за сопственото темпо на живеење.
Песната повторно стана хит
Слаѓа објаснува дека песната ја снимила наменски бидејќи со својот брат цело лето го минуваат на река, каде што поседуваат сплав и глисер:
„Тоа е постара песна, но ја поставив на Инстаграм и повторно стана хит. Не сум отишла никаде, тука сум на естрадата, настапувам на забави со музика од деведесеттите. Нова песна ќе снимам дури за мојот роденден во ноември, а оваа ја објавив бидејќи летово со братот го минуваме на река — тоа е забава за клубовите и најдобриот провод е токму на вода“.
Момчето од спотот го сретнала во продавница за брза храна
Еден од поинтересните детали од нејзините видеоспотови е појавувањето на темнокожиот модел. Таа раскажа како се случила нивната средба:
„Го видов во Устаничка улица додека купуваше плескавица. Отидов да сменам пари, му пријдов и го прашав дали сака да глуми во мојот спот. Тој веднаш се согласи. За жал, пред две години почина од корона, беше навистина добар дечко.“
За споредбите со Џенифер Лопез, таа со насмевка потврдува дека се исто годиште:
„Точно е, исто годиште сме. Имам дури и статии од пред 20 години каде што нè споредуваа. Иста сум како неа, можеби само финансиски не — да живеев во Америка, сигурно ќе бев на тоа ниво.“
Не слуша народна музика, а со Ѓоле е во одлични односи
Слаѓа откри дека приватниот музички вкус ѝ е сосема поинаков од тоа што го работи на сцена:
„Приватно слушам странска и амбиентална музика. Со народна музика се веселам само кога мора, на некои прослави. Помладите генерации слушаат сосема друг жанр. И мојата внука оди во британско училиште и уште помалку ја слуша нашата музика, кога беше помала ги слушаше моите песни, а сега ми бара да го намалам телефонот ако пуштам нешто“.
Што се однесува до односите со поранешниот сопруг Ѓоле Ѓогани и неговата сопруга Весна, таа истакнува дека сè е во најдобар ред и дека наскоро ќе настапат заедно на фестивалот „Драги Браво“ во Белград.
Не сака во ријалити и се повлекла од дигиталниот хаос
И покрај бројните понуди, пејачката категорично одбива влез во ријалити-шоуа:
„Ме викале милион пати, но нема шанси. Не сум таков тип, ги мразам расправиите и таа валканост. Ако влезам, од стрес само ќе чистам и ќе готвам за да не ме забележи никој“.
Покрај тоа, Слаѓа ги сподели своите здрави навики, но и борбата со повредата:
„Веќе долго време сум сама и искрено, тоа многу ми прија. Денот ми е исполнет, доаѓам преморена дома, легнувам рано, а наутро во 5:30 веќе сум во парк на тренинг. Неодамна ми пукна тетива во стапалото, па пет месеци не можев да трчам и само пешачев. Избришав Вибер и Вацап, кој сака да ме добие, може да ме побара со обичен телефонски повик или СМС. Најважно во животот е да се живее здраво, да се оддалечите од лошото друштво и искрено да разговарате со најблиските“.
