Македонската претставничка Ева Величковска продолжува со своите активности на изборот за Мис на светот 2026 во Виетнам. Таа беше дел од свечената церемонија „Sashing“, на која натпреварувачките официјално ги добиваат лентите со името на земјата што ја претставуваат.
Оваа церемонија го означува официјалниот почеток на натпреварувачкото учество на кандидатките, а лентата што ја добива секоја од нив ја симболизира земјата што ќе ја претставува во текот на изборот.
Величковска се појави на сцената во раскошна свечена креација, а дефилираше покрај претставничката на Северна Ирска. Македонската убавица сподели и фотографии од церемонијата на својот инстаграм-профил.
View this post on Instagram
Во рамките на активностите на изборот, Ева присуствуваше и на прес-конференција. За ова појавување избра црн фустан со впечатливи исечоци во пределот на деколтето и стомакот.
Дваесетгодишната Ева Величковска годинава ја претставува Македонија на престижниот светски избор за убавина, кој се одржува во Виетнам.
