Македонската телевизиска водителка Живкица Каленикова уште еднаш покажа дека не се плаши од нови предизвици. Овојпат, 48-годишната водителка се впушти во вистинска летна авантура и ја испроба својата умешност во скијање на вода.
Каленикова сподели видео на социјалните мрежи, а пред да застане на скиите, на шеговит начин најави што следува. Таа синхронизираше популарно меме во кое се вели:
„Понекогаш, кога ќе се најдам во одредени ситуации, морам да си кажам: ‘Линда, не биди луда!’… Но, моето име не е Линда, па ќе се качам на тој воз на лудоста“.
Потоа покажа дека шегата не била случајна – на снимката може да се види како успешно се одржува на скиите и се движи по водата додека ја влече глисер.
View this post on Instagram
Нејзината авантура предизвика бројни позитивни реакции на социјалните мрежи. Меѓу оние што ѝ оставија коментари и пофалби беа и неколку познати македонски имиња, меѓу кои Каролина Гочева, Ребека Јанковска-Ристески, Дадар и Милица Џаровска.
Каленикова со години е присутна на македонската телевизиска сцена, а приватно е во долгогодишен брак со Зоран Калеников. Двојката има три деца – синовите Даријан и Марко и ќерката Ана.
